अभिनय मात्र हैन उनीहरुको सार्वजनिक न्यूज, गसिप, स्क्यान्डल र केही कार्य
शैलीलाई आधार मान्दै यो बर्षका पाँच चर्चित हिरोहरुलाई फिल्मीखबरले छनौट
गरेको छ । त्यसको नम्बर वानमा नन अदर द्यान राजेश हमाल परेका छन् भने नम्बर
टूमा जीवन लुईटेल देखिएका छन् । यस्तै नम्बर थ्रीमा हाकु काले (सौगात
मल्ल) को नाम आउछ भने नम्बर फोरमा संयम पुरी परेका छन् । त्यसैगरी नम्बर
फाईभमा आर्यन सिग्देल अटाएका छन् ।
राजेश हमाल : आकर्षक ब्यक्तित्वका धनी राजेश हमाल गत बर्ष बालकुमारी काण्डमा परेर अत्याधिक चर्चामा आए झै यो बर्ष पनि दुई स्त्रीका कारण चर्चामा आउनुले समग्र उद्योग नै हल्लियो । यो बर्ष उनको लाईफमा स्त्री स्क्यान्डल मच्चाउनेमा एक थिईन् बच्चै देखिको फ्यान अभिरुची बुढाथोकी भने अर्की चाहि उनको गर्लफ्रेण्ड मधु भट्टराई । यी दुई स्त्रीसंग जोडिएका न्यूजका कारण बर्षभरी महानायकको चर्चा भईरहयो । यध्यपी यो बर्ष उनले संख्यात्मक रुपमा फिल्म चाहि खेल्न सकेनन् । यस्तै उनीद्धारा अभिनित जति फिल्म रिलिज भएका थिए ती कुनै पनि बक्स अफिसमा जम्न सकेन् ।
जीवन लुईटेल : जीवनको हकमा यो बर्ष टप फाईमा पर्नु पनि म्यूजिक प्रमुख कारण बन्यो । म्यूजिकको एंगलबाट हेर्दा हरेक बर्ष चर्चा पाईरहने जीवनको दुई फिल्म मालतीको भट्टी र रिदमले निर्मातालाई बक्स अफिसमा सेभ गराए । त्यसकारण उनी टप टूमा परे । यसका अलावा फिल्म ईन्डष्ट्रीमा प्रवेश गरेयता हाल सम्म कुनै विवादमा नपरेका उनी एक महिना अघि राष्ट्रिय स्तरका डनहरु पर्शुराम र महेश बस्नेतसंगको निकटता रहेको खबरले भने यो बर्ष केही विवादमा चाहि परे । बर्षको अन्त्यमा रिलिज हुन लागेको जीवनको अर्को फिल्म नोटबुकले सफलता पाएको खण्डमा जीवनले राजेशलाई पनि उछिन्ने छन् ।
हाकु काले (सौगात मल्ल) : २०६८ सालमा लुट फिल्मका कारण अत्याधिक चर्चा बटुलेका हाकु कालेले लुट जस्तै चर्चा अरु फिल्मबाट कमाउलान् भन्ने आशालाई यो बर्ष हिस्स बुढी खिस्स दात बनाईदिए । यध्यपी गत बर्षको सफलताको नतिजाले यो बर्ष उनी चर्चाको रापबाट कहि कतै सेलाएनन् । उनीद्धारा अभिनित हाईवे, छड्के र कथाले पनि बक्स अफिसमा कुनै छाप छाडेन । यध्यपी उनी यो बर्ष ब्यस्त अभिनेताको रुपमा सुटिङ स्पटमा देखिरहे ।
संयम पुरी : निर्देशक नारायण पुरीका छोरा संयम फुच्चे हिरोको रुपमा यो बर्ष उदाउनुले ईन्डष्ट्रीमा नयाँ स्टार जन्मिएको आभाष गरायो । त्यति मात्र हैन संयमको पहिलो फिल्म शायद नै हिट भएपछि उनी यो बर्ष डिमान्डेवल एक्टरको रुपमा देखा परे तर विडम्बना उनले शायद पछि अफर आएका कुनै पनि फिल्म खेलेनन् । यस्तै हिरोको ट्याग पाएकै बर्ष कर्पोरेट हाउसको रुपमा चिनिएको गोपीकृष्ण मुभिजका चेयर म्यान उद्धव पौडेलको भान्जी एवं भिजे आस्मा डिसीसंगको अफएयर प्रसंगले उनी यो बर्ष भरी चर्चामा आईरहे ।
आर्यन सिग्देल : गत बर्ष निकै हिट मानिएका आर्यनको फिल्म खासै चलेन र उनी यस बर्ष पाँच नम्बरमा धकेलिए । तीन फिल्म के म तिम्रो साथी बन्न सक्छु, धुँवा यो नशा र कलिउडले सोचे अनुरूपले सफलता नपाएपनि आर्यनलाई यि फिल्मले चर्चामा ल्यायो । धुँवा यो नशाबाट निकै आश गरेका आर्यनलाई सबैभन्दा बढि चर्चा पनि यहि फिल्मले दियो । गतबर्ष निशा अधिकारीसँग फिल्म खेल्न नमानेका आर्यनले यसबर्ष उनै नायिकासँग पर्दामा देखिनुले पनि चर्चा पाएको हो । फिल्म चलेन आफ्नो ठाउँमा छ तर यो जोडीलाई दर्शकले रूचाएको पाईयो ।
यहि बर्ष अन्य चर्चित मेल एक्टहरु : गत बर्षको ब्लकबस्टर फिल्म लुटका गोफ्ले अर्थात दयाहाङ राई पनि चर्चामा नै रहे । बिशेषत उनी हिरो भन्दा पनि अभिनेताको रूपमा बर्षभरि नै समाचारको स्रोत बने । यो बर्ष मायाज बार डेब्यू गरेका गजित बिष्ट ईन्डष्ट्रीमा चर्चामा रहिरहे । मायाज बारको कामबाट उनी ब्यस्त हिरोको रुपमा अहिले काउन्ट हुन थालेका छन् । यसैगरी सुवास थापाको चर्चा पनि यो बर्ष राम्रो रह्यो । फेसबुकमा उनको काम होस् वा भिजिलान्ते दुवै फिल्मले पैसा नकमाए पनि उनले प्रशंशा धेरै कमाए । राजबल्लभ कोईरालाको हलिउड यात्राले पनि यो बर्ष उनलाई केहि चर्चामा ल्यायो । यस्तै विल्सन बिक्रम राईको शायद रिलिज संगै ब्यस्तताहरुले आकाश छोयो यो बर्ष ।
