चलचित्र सेन्सर बोर्डले केही दृश्यमा
आपत्ती जनाएपछि चलचित्र ‘मञ्जरी’ को निर्माणपक्ष आक्रोशित भयो । सामान्य
दृश्यमा समेत सेन्सर झमेलामा पर्नु परेपछि निर्माणपक्षले सिनेमा नै सार्ने
निर्णय गर्यो । बहुप्रतिक्षित चलचित्रको रुपमा रहेको ‘मञ्जरी’ हेर्न चैत्र
९ गते पर्खेका दर्शक निराश भए ।चैत्र
९ गते प्रदर्शन हुन नसकेको यो चलचित्र बैशाख २० मा प्रदर्शन हुने
निर्माणपक्षले बताएको छ । नरेश पाण्डे र महेश चालिसेले निर्माण गरेको यो
चलचित्रलाई गणेशदेव पाण्डेले निर्देशन गरेका हुन् ।
गौरब पहाडी, सुजाता कोइराला, टिका पहाडी
लगायतका कलाकारले अभिनय गरेको यो चलचित्रले बजारमा राम्रो चर्चा पाएको थियो
। तर डेढ महिना पछि सरेपछि चलचित्रलाई आफ्नो चर्चा कायमै राख्न फेरी
मिहिनेत गर्नुपर्ने देखिन्छ ।
