तपाई शारीरिक तौल बढी छ भने हवाइ यात्रा गर्दा बढी भाडाए तिर्न तयार हुनुहुन्छ ? तौल बढी हुँदा त्यसले हवाई इन्धन पनि बढी खपत हुने भएकाले विमान कम्पनीले मोटा मान्छेसँग बढी भाडा तिर्ने व्यवस्था गर्नुपर्ने ‘थ्योरी’ आएको छ ।
नर्बेमा अर्थशास्त्रमा ‘स्कलर’ पाएका एक नेपालीले हवाई भाडा तय गर्दा यात्रुको तौललाई गणना गर्नुपर्ने जिकिर गरेको हुन् ।
नर्वेको सोङ ओग जोर्डान युनिभर्सिटीका प्रोफेसरसमेत रहेका ती नेपाली भरत भट्टले भनेका छन्, ‘यो मोडलले विमान कम्पनी, यात्रु र समाजलाई ठूलो फाइदा पुग्ने छ ।’
‘जर्नल अफ रेभिन्यु एन्ड प्राइसिङ म्यानेजमेन्ट’ नाम दिइएको कार्यपत्रमा उनले १ किलो तौल घट्दा वाषिर्क जहाजको ३ हजार अमेरिकी डलर बराबर रकमको इन्धन बचत हुने उल्लेख गरेका छन् । त्यस्तै जहाजबाट ‘लाइभ भेस्ट’ हटाउँदा उडान २५ किलो हलका हुने भट्टको अध्ययनमा उल्लेख गरिएको कान्तिपुर दैनिकमा खबर छ ।
